Колдонмону көчүрүү:
Оюндар жөнүндө

Оюндар жөнүндө

Дүйнөлүк Көчмөндөр Оюндары 2016

Аталган оюндар  Ысык-Көлдүн жээгинде, т.а. Чолпон-Ата шаарында 2016-жылдын 3-8-сентябрында өтөт.

Дүйнөлүк Көчмөндөр Оюндарынын максаты – көчмөн элдеринин тарыхый жана маданий мурастарын жандандыруу жана сактоо, ошондой эле:

  1. Дүйнөгө көчмөн цивилизациясынын улуулугун даңазалоо;
  2. Көчмөн дүйнөсүндөгү ар бир улуттун баалуулуктарын, маданиятын жана турмуш-тиричилигин чагылдыруу;
  3. Спорттун көчмөндөргө тиешелүү түрлөрүн алгачкы (баштапкы) абалында көрүү мүмкүнчүлүгү;
  4. Дүйнөдөгү көчмөн элдеринин баалуулуктарын көрүү мүмкүнчүлүгү.

Дүйнөлүк Көчмөндөр Оюндары 2016:

  • Мамлекет башчылар;
  • Спорт жана маданият министрлери;
  • Маданият, билим берүү жана илим чөйрөсүндөгү көрүнүктүү коомдук ишмерлер, кызматкерлер чакырылган.
  • Дүйнөнүн 40 мамлекетинин спортчулары келип күч сынашат;
  • Оюндар 50 мамлекеттин ММКлары тарабынан эфирге чыгарылып, ага 500 000 000 адам күбө боло алат.

Дүйнөлүк Көчмөндөр Оюндары 2016:

  • Салтанаттуу ачылыш жана жабылыш аземин;
  • Этноспорттун 25 түрү боюнча спорттук мелдештерин;
  • Кырчын жайлоосунда жана Чолпон-Ата шаарында өтө турган “Көчмөндөр Ааламы” маданий жана  спорттук фестивалын;
  • “Көчмөндөр цивилизациясы: тарыхый мурасы жана азыркы мезгил” деген аталышта илимий конференцияны;
  • Өлкөлөрдүн элдик жана этникалык оюндары боюнча көргөзмө оюндарын камтыйт.

Дүйнөлүк Көчмөндөр Оюндары – Кыргыз Республикасынын эл аралык дэңгээлдеги эң ири долбоору.

Оюндардын слоганы: «КҮЧ БИРИМДИГИ! РУХ БИРИМДИГИ!»

Башкы демөөрчүлөр

Расмий демөөрчүлөр

Демөөрчүлөр

Расмий өнөктөштөр

Өнөктөштөр

Медиа-өнөктөштөр